分卷阅读35 (第3/4页)

去见过阿头，不如就搵吓佢倾吓案情发展．．．点知倾完之后心情重沉重，阿头话而家嘅料最多只可以証明有警员借贷，根住比人恐吓，亦有参与同其他人发生性行為，但系所有金钱交易嘅纪录都冇，加上联络阿 Ken嘅接头人都只系d靚，阿Ray都冇直接参与，而且佢都可能只系其中一个联络人，阿头想要一鑊炒起幕后主脑，所以佢都吾系我的嘅目标．．．另外d客究竟系联络边个我的都吾知，所以总结一句成单案系冇羊大嘅进展，如果要有突破性嘅发展，最好系可以联络到个客，要佢地应承出庭作証，咁先至可以有机会，但要搵到呢个客就真系难上加难，起码我同阿Ken 重要出去接多好多次客先可以有机会．．．．

    离开阿头，望一望部手机先諗起今朝Johnny send过短讯比我，我其实都未决定覆吾覆佢，我知以我而家咁低落嘅心情，上去佢度一定会好容易比佢催眠，之后又要比佢玩．．．但系覆吓佢电话姐，又吾一定要见佢，睇吓佢想点都好呀！！我决定覆番个电话比佢，睇吓佢想点！！

    Ryan：Johnny？你搵我呀？有羊事呀？

    Johnny：哦，冇羊事，见你上次见完我之后都有一段时间，所以睇吓你近况如何，有冇羊需要我帮吓手。

    有问题！好奇怪！我系卧底身份，除非系我主动，否则所有警方有关嘅人员需要联络我都应该经过我阿头，所以Johnny吾应该主动搵我，有问题！！

    Johnny：喂．．喂．．．Ryan？．．系吾系度呀？．．听吾听到呀？

    Ryan：．．．．哦！冇羊事呀！最近呀？．．．几好呀！